Роза Рымбаева: Әли орындайтын әндерді түсінбеймін

Роза Рымбаева қос ұлының да кәсіби музыкант екенін мәлімдеді. Ол Халық артисінің ұлы болғандықтан, ұлы Әлиді сынайтын жандардың көп болатынын түсіндірді. Сондай-ақ, оның орындауындағы кей әндерді түсінбейтінін мойындады.

Бұл туралы Роза Қуанышқызы Hit-TV арнасына, Нұржан Аташтың “Кездер-ай” бағдарламасына берген сұхбатында айтты, деп жазады Stan.kz.

“Балам фортепианоға барамын деп, сол жолмен кетті. 1-сыныптан бастап тек қана 5-ке оқыды. Әлидің мектебінің қасында қабырғасы ортақ бала-бақша болды, екінші ұлым Мәдиді сонда бердім. Бала-бақшаның шарбақтарының ішіне балалар үзіліске шығады ғой, сол кезде Әли де сыртқа шығады екен. Мәди шарбақтың ішінен Әлиді көріп, қолын созып “Әли аға” деп бақырып жылайды. Кейін Әли үзіліске шықпайтын болды. Мәди бала-бақшаны бітірген соң “Әлидің мектебіне барам, ол қайда ойнаса мен де сонда ойнаймын” – деп тұрып алды. Сонымен екеуі де осы музыкалық мектепті бітірді. Екеуінің ұстазы да бір – Тұрар Ақбергенқызы. Бір жағынан, балаларымның менің мамандығыммен, әкесінің мамандығымен жүргеніне қуанамын. Себебі қанмен берілген нәрсе. Тегіміздің барлығы музыкант болғаннан кейін, балалар қайда барады?” – дейді Роза Қуанышқызы.

Рымбаеваның баласы шықпағанда, кім шығады? Халық артисіне дәл осылай деп сын айтқан тыңдармандар қарасы да аз болмаған. Алайда мін тағарларға Роза Қуанышқызының берер жауабы мынадай.

“Мен баламды мына концертке ал, хабарға түсір, тойға қос деп ешқашан ойыма келген емес. Балам өз жолымен, өз музыкасымен келе жатыр. Керек десеңіз, ол орындайтын әндердің кейбірін мен түсінбеймін де. Себебі ол мүлдем басқа музыка, басқа бағдарлама, басқа стиль, ритм. Бүгінгі жастардың музыкасы. Оның музыкасына қатысым жоқ. Оның өсу жолы музыка редакторларына, телевизиялық концерттің редакторларына байланысты. Олар ұнамаса кіргізбейтін де еді. Рымбаеваның баласы болғаны оған бір жағы кедергі. Себебі ерекше сынмен қарайды. Талап та, сын да көбірек. Көреалмаушылық та бар. Сондықтан балам өз еңбегімен соның бәрін дәлелдеп келе жатыр. Ал кіші ұлым сахнаға жаңадан қадам басып келеді”, – дейді Рымбаева.

Жіберіп алмаңыз:

Ернар Айдар: Әкем мен анамның бет сүйістіріп амандасқанын көрмеппін

Ақша мен атақ жанын бұзбаған танымал жұлдыздар (видео)

Түсіпбаева: Алагөзова тракторшы мен сиыр туралы фильм түсіре берсін, ұлттық қазынаға тиіспесін

Мейрамбек Бесбаев: Планетаға сыймай жүрген жастарды көріп жүрміз

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
23.10.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар