Риода қайтыс болған неміс бапкерінің ағзалары 4 адамның өмірін құтқарды
Бапкердің жүрегі, бауыры, екі бүйрегі донор күтіп жатқан төрт науқасқа салынды. Ота сәтті аяқталып, төрт адамның өмірі сақталды. Ханце жұма күні Рио-де-Жанерода жол көлік оқиғасына тап болып, басынан қатты жарақаттанған болатын.
Неміс су спорты құрамасының бапкері Штефан Хенце Рио-де-Жанеродағы Олимпиада ойындары кезінде қайтыс болып, төрт науқастың өмірін сақтап қалды,- деп жазды РИА Жаңалықтары.
35 жастағы бапкер жол апатына ұшырағаннан кейін бірден жақын маңдағы ауруханаға жеткізілген. Оның басына сол сәтте-ақ ота жасалған. Бірақ, дүйсенбі күні бапкер қайтыс болып кеткен. Хенценің жанында отбасы мүшелері болған.
Хенценің өзі каноэ-екіліктен 2004 жылғы Олимпиада ойындарының күміс жүлдегері атанған еді.
Талқылау