Рио Олимпиадасының медальдары таныстырылды (фото)
Рио де-Жанейро Олимпиадасының жеңімпаздары мен жүлдегерлеріне табысталатын медальдар таныстырылды.
Бұл туралы ҚазАқпарат хабарлайды.
Риода Олимпиада ойындарында жеңіс тұғырынан көрінетін спортшыларға салтанатты түрде табысталатын медальдар таныстырылды.
Медальда Рио Олимпиадасының логотипі мен Жеңіс құдайы саналатын Никаның фонында Акрополис пен Панатинаикос бейнеленген. Әрбір медальдің салмағы 500 граммды құрайтын 2500-ге жуық медаль дайындалған.
Чемпион атанған спортшыларға табысталатын алтын медальды жасауға сынап пайдаланылмаған. Өндіріс талаптарына сәйкес күміс пен қола медальдің 30 пайызы қайта өңделген материалдардан жасалған.
Естеріңізге сала кетейік, Олимпиада ойындары 5 тамызда басталып, 21 тамыз күні аяқталады. Сондай-ақ, кеше “Қазақстан” және “Kazsport” телеарнасындағы Рио олимпиадасының көрсетілім кестесі жария етілген. Сәйкесінше, олимпиада ойындарына 1,5 млн билет сатылмай қалған.