Римде Иран президентінің елге сапары үшін жалаңаш ескерткіштерді қораппен жауып тастаған
Иран президенті Хасан Роуханидің Италия еліне сапар шеккен еді. Құрметті қонағының келуіне байланысты ел басшылары Капитолия мұражайындағы жалаңаш тұрған антикалық ескерткіштерді жауып тастауды жөн көрген.
Бұл туралы bbc.com хабарлайды.
Иран президенті Хасан Роухани халықаралық санкция алынғаннан кейін Батыс елдерімен қатынасты нығайту мақсатында европа елдерін аралауды ұйғарды.
Роухани ең алдымен Италия еліне сапар шекті. Иран президентінің бұл елге келуіне байланысты 17 миллиард евро қаржыға келісім жасалды.
Антикалық дәуірдің құндылықтары Иран делегациясы жүріп өткен залдың қабырғаларында орналастырылған.
Telegraph басылымының мәліметінше, Роухани Марк Аврелий ескерткішінің алдына ресми суретке түсірмеуін сұраған.
Мұндағы мәселе, императордың өзінде емес, астындағы атында болып тұрған сыңайлы. Ирандықтар б.з.д.ІІ ғасырдағы «атрибуттарды» көруге ыңғайсызданған.
Сонымен қатар, құрмет белгісі ретінде ирандық қонаққа түскі астан кейін вино шарабы берілмеген.
Ал, кейбіреулерге мұндай құрмет түрі ұнамаған сияқты.
Италия парламентінің мүшесі Сильвио Берлускони мен экс-хатшы Даниэле Капеццоне ескерткіштерді жауып тастау, ресми кездесуді күлкілі етіп көрсететінін айтты. «Италия қонақтарды ренжітпеу үшін түскі астан соң шарап бермейтіндей дәрежеге түсіп қалған ба?», – деп жазады Капеццоне.
Иран президенті Хасан Роухани мен Италия премьер-министрі Маттео Ренцидің Капитолий мұражайындағы кездесуіне қатысты әлеуметтік желі қолданушылары қызу пікірталас болды. Ел билігінің сыйлы қонақтар үшін тарихи ескерткіштерді жауып тастауы және оған құрмет деп қарауы, жергілікті халыққа деген құрметсіздік екенін айтты.
Италия сапарынан кейін Роухани Парижге бет алды. Иран өкілдері былтырғы жылдың қараша айындағы Франция еліне сапары кезінде түскі асқа шарап қоймауын өтінген еді. Алайда, Франция тарапы мұндай өтіншті орындаудан бас тартқан еді.