Ресейде 45 қазақстандық жол апатына ұшырады
Ресейдің Новосібір облысында жол көлік оқиғасында 45 қазақстандық отырған автобус жүк көлігімен соғысып, жолдан асып, бір жағына аударылды, деп жазады Stan.kz ақпараттық агенттігі Ресей ТЖМ Бас басқармасының сайтына сілтеме беріп. Ресми орган берген ақпарат бойынша автобус Новосібір қаласынан Шымкентке бет алған.
«Жол көлік оқиғасы «Р-254» федералды тас жолының 1368-ші шақырымында орын алған. Автобус жүк көлігімен соғысып, жолдан асып, бір жағына аударылған. Автобуста жүргізушімен қосқанда 46 азамат болған. Олардың бәрі қазақстандықтар. Жол апатынан 6 адам жарақат алды», – делінген ресми хабарламада.
ЖКО болған жерге өрт сөндіруші қызметкерлері, полиция қызметкерлері мен жергілікті әкімшілік өкілдері келген. Көмек беру жұмысына 24 адам мен 9 арнайы техника жұмылдырылған.
Жарақат алған азаматтар Коченев аудандық орталық ауруханасына жеткізілді. Аман қалған жолаушылар аудандық әкімшіліктің бастауымен «Актин» кафе қонақ үйіне орналастырылды. Артынша жолаушылар резервтегі автобуспен өз бағыттарына жеткізілді.
Болған оқиғаға қатысты пікір білдірген СІМ ресми өкілі Айбек Смадияровтың айтуынша, Омкс қаласының өкілдерімен байланысып, оқиғанын мән жайы анықталып жатыр.
Stan.kz сайтын Telegram арқылы оқыңыз. Арнамызға жазылыңыз.