Президентті төл мерекесімен жақсы құттықтаған 20 ШҚО тұрғынына смартфон сыйға беріледі
Өскеменде ІТ-мамандар Тұңғыш Президент күні Қазақстан Президенті Нұрсұлтан Әбішұлы Назарбаевқа алғысын білдіруге мүмкіндік беретін www.KZ1.kz сайтын іске қосты. Бұл туралы брифинг барысында ІТ-мамандардың Шығыс Қазақстан облыстық қауымдастығының өкілі Денис Соколов айтты.
«Біз әркім өзінің алғысын білдіріп, жағымды эмоцияларымен бөлісе алатын сайтты іске қостық. Мұнда 120 символға дейінгі хабарламаны енгізуге болады. Бұл ІТ-акцияның мәні – біздің Көшбасшымызға, мақтан ететін Мемлекет басшымызға алғысымызды білдіру. ІТ-акцияны жүргізу барысында біз сайт қолданушылары арасында 20 смартфонды ұтысқа тігеміз», – дейді Денис.
Тілек білдіріп, смарфтон ұтысына қатысу үшін, өз ұялы телефоныңның нөмірін қалдыру керек. «Біздің Президентімізге – біздің құттықтауларымыз» акциясының қорытындылары 1 желтоқсан күні Өскемендегі Қазақстан Республикасы алаңында кездейсоқ сандарды анықтаумен шығарылады.
Қазіргі кезде сайтта өңір тұрғындарынан 874 215 тілек қалдырылған, оның саны сағат сайын өсуде.
Талқылау