Полторанин 15 км қашықтықта алтын жүлдені жеңіп алды

Сәрсенбі, 6 Қаңтар , 2016 23:41

Германияның Оберстдорф қалашығында шаңғы спортынан «Тур де Ски»  жарысының бесінші кезеңінде классикалық стильмен 15 км қашықтықта Алексей Полторанин алтын медальді жеңіп алды.

image53394

Бұл туралы Vesti.kz сайты хабарлады.

Ерлер арасындағы аталмыш көпшілік жарыстың тартысты болғаны сондай, А.Полторанин атақты швейцариялық Дарио Колоньядан 0,01 секундқа қана озып, 35 минут 35,9 секунд көрсетті. Үшінші орынды иеленген итальяндық Франческо Да Фабиани жеңімпаздан 0,6 секундқа қалып қойды.

Бұл – А.Полтораниннің әлем кубогы кезеңдеріндегі тоғызыншы жеңісі және 22-інші жүлдесі. Оның үстіне А.Полтораниннің сүйікті қашықтығы болып есептелетін 15 километрден классикалық жарыста қазақстандық шаңғышыдан басқа ешкім екі реттен артық жеңіске жетіп көрген емес. Бұл – Алексейдің осы қашықтықтағы үшінші жеңісі.

Осы бесінші кезеңнен кейін А.Полторанин «Тур де Ски» жарысының жалпы есебінде алғашқы үштікке жақындады. Мұнда норвегиялық Мартин Йонсруд Сундбю 2 сағат 15 минут 16,6 секундпен көш бастаса, оның отандасы Петтер Нортуг (+47,2) екінші, ресейлік Сергей Устюгов (+1.09,4) үшінші, А.Полторанин төртінші (+1.31,5) орында келеді.

Еске сала кетейік, «Тур де Ски» жарысының Швейцарияның Ленцерхайде мекенінде өткен екінші және үшінші кезеңінде А.Полторанин бесінші және жетінші орынды иеленсе, Оберстдорфта классикалық спринтте қола жүлдені еншілеген болатын. Енді «Тур де Ски» жарысының алтыншы кезеңі 8 қаңтар күні Италияның Тоблах мекенінде өтеді. Онда шаңғышылар 10 шақырымға еркін стильмен жарысқа түспек. Ал көпкүндіктің жетінші және қорытынды сегізінші кезеңі Валь ди Фиемме (бұл да Италияда) мекенінде болмақ.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
27.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар