Полицейлер Алматыдағы мейрамхана маңында оқ атқандарды ұстады
Оқиға Алмалы ауданында Наурызбай мен Жамбыл көшелерінің қиылысында желтоқсанның 11-нен 12-сіне қараған түні болған. Жанжалдасқан екеудің бірі екіншісіне қарата оқ атқан.
Бұл туралы қалалық ІІД баспасөз қызметі хабарлады.
Оқыс оғиға салдарынан екінші адам жеңіл жараланды. Алайда, ауруханаға жатудан бас тартты.
«Аталған дерек ҚР ҚК 293-бабының 3-тармағы бойынша бұзақылық ретінде бірыңғай сотқа дейінгі тергеу ісі реестріне тіркелді. Күдіктілер ұсталды. Тіпті кезенген қару еш жерде тіркелмеген болып шықты. Сот-баллистикалық сараптама нәтижесінде бұл қару кімге тиесілі екендігі әрі басқа қылмыстарға қатыстылығы анықтала жатады», – деді ІІД ресми өкілі Салтанат Әзірбек.
Талқылау