Полицейлер “Президент шыршасында” жүрген баланы алып кетті. Полиция мән-жайды түсіндірді (видео)
Желіде Павлодарда полицейлердің қызметтік көлігі кішкентай баланы «Ертіс» қонақ үйіне әкеліп салғаны түсірілген видео тарап кетті. Өз кезегінде аталған видео жұрттың қызу талқысына түсті, деп хабарлайды Stan.kz ақпарат агенттігі.
Видео авторының сөзінше, полицейлер қызметтік көлікті өз қажеттілігі үшін пайдаланып, балаларын тасып жүр.
Sputnik Қазақстан мәліметінше, полициядағылар бұл ақпаратты жоққа шығарды. Полиция департаментіндегілердің айтуынша, орталық алаңда өткен бас шыршада балалардың бірінің жағдайы нашарлаған.
«Биылғы жылдың 23 желтоқсанында «Президент шыршасына» 2 автобуспен келген балаларды екі патруль алып жүрді. Орталық алаңда өткен бас шыршада балалардың бірі өзін нашар сезінді. Ұйымдастырушылар полиция қызметкерінен көмек сұраған. Өз кезегінде ол баланы «Ертіс» қонақ үйіне жеткізіп салды», – дейді полиция департаментіндегілер.
Stan.kz сайтын Telegram арқылы оқыңыз. Арнамызға жазылыңыз.
Талқылау