Петропавлда көктайғақтың кесірінен екі күнде жүзден астам адам зардап шекті
Арасында жағдайы тым мүшкілдері де бар дейді дәрігерлер. Тұрғындар бұған көшелерге құм мен тұз сеуіп үлгермеген коммуналдық қызметтегілерді кінәлап отыр,-деп жазды КТК арнасы.
Екі күн бойы бір еріп, бір қатқан қар теріскейліктерді әбден әбігерге салды. Осы күндері қалалық аурухананың жарақат бөліміне көктайғақтан зардап шеккен 100-ден астам адам келіпті. Көбі – көшеде құлап, аяқ-қолын сындырғандар. Аяғы сынып кеткен мына ер адамды дәрігерлер Есіл ауданынан жеткізді. Ақ халаттылардың айтуынша, бұлай зардап шеккендерді аяғынан тұрғызу үшін ұзақ емдеу керек.
«Түске дейін-ақ алпысқа жуық адам келді. Тәжірибеме сүйсеніп айтсам, кешке жарақат алғандар тіпті көп болатыны анық. Қар күндіз еріп, кешке қатып жатыр. Ең қауіптісі де осы»,-дейді дәрігер травматолог Валерий Грибашев.
Оқи отырыңыз:
Атырауда салафилер 2 оқушы қызға үйленіп «талақ» айтып тастап кеткен
Кириллицада жазылған мәтінді жаңа қазақ әліпбиіне автоматты түрде аударуға болады