Ресейде бұзақылар субұрқаққа ұнтақ құйып, суды көбікке айналдырған (фото, видео)
Қыркүйектің 6-сынан 7-сіне қараған түні Петербургтегі алаңқайлардың біріндегі субұрқақ іші көбікке толып шыға келді. Оған аямай сусабын немесе ыдыс жуатын көпіршік құйған секілді.
Бұл туралы tjournal.ru хабарлайды.
Қалалық су каналы болса субұрқақты жуып, тазалау үшін ажыратқанын айтқан. Кері бағытта атқылаған су арқылы іші тазаланбақ. Толыққанды тазалық жұмыстары жүргізілген соң ғана іші қайта суға толтырылмақ.
Су каналы тұрғындардан фонтан ішіне басқа сұйықтықтар тастамауды өтінуде.
Өйткені, кез-келген көпіршік зат сорғышқа тиіп қымбат тұратын техникалық жарақтарды зақымдап, субұрқақ жұмысына елеулі зиян келтіруі мүмкін.
Бірнеше сағаттың ішінде “көпіршік субұрқақтың” біраз суреті пайда болып үлгерді.
Талқылау