Павлодарлық жеті жасар Мұстафа Құранды жатқа оқу жарысында жеңімпаз атанды

Павлодарда «Ақмешіт» мешітінде Құранды жатқа оқу сайысы өтті. Бұл – аймақта ұйымдастырылған тұңғыш Құран оқу жарысы. Сайысқа 6-30 жас аралығындағы 40 үміткер қатысты.

15AIMG_0476 (1).a1762bf7cb196e15ffcd4a1b4e9173c418762

Бұл туралы pavlodarnews.kz сайты хабарлайды.

“Өңірімізде Құранды жатқа оқу жарысы бірінші рет өткізілсе де, қатысушылардың қатары қалың. Бұл жарыста топ жарғандар алдағы қасиетті Рамазан айында өтетін облыстық Құранды жатқа оқу жарысына жолдама алды. Қатысушылардың ішінен болашақта есімдері елге мәшһүр қарилар шығарына сенеміз. Сауапты сайысқа атсалысқан азаматтарға, әсіресе Павлодар ауданына қарасты ауыл мешіттерінің имамдарына ризашылығымызды білдіреміз, – деді «Ақмешіт» мешітінің бас имамы Жолдас қажы Қоспақұлы.

dvdv

Үміткерлер үш топқа бөлініп, өнер көрсетті. 10 сүрені жатқа оқуда 12 жастағы павлодарлық Салахаддин Бердімұрат топ жарды. Ал 22 сүрені жатқа оқу жарысында 10 жастағы Мұхаммед Ташай үздік деп танылды. Жарыстың ең кішкентай қатысушысы Мұстафа Құдабай 30 сүрені жатқа оқу сайысында жеңімпаз атанды. Жалпы, Мұстафа 37 сүрені жатқа біледі. Айта кетерлігі, сайыста Павлодар қаласындағы мешіттердің шәкірттерінен бөлек, Павлодар ауданына қарасты ауылдардың өкілдері де бақ сынады.

Құранды жатқа оқу жарысының қорытындысы бойынша жеңімпаздар қомақты ақшалай сыйлық пен бір-бір қойға ие болды. Жүлдегерлер де ақшалай сыйлықтарды қанжығаға байлады. Павлодар ауданы Жамбыл ауылының өкілі 17 жастағы Қасен Әбдірақым, павлодарлықтар 30 жастағы Данияр Нұрсейіт пен 14 жастағы Қайм Дансаликов ынталандыру сыйлығын олжалады.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
20.06.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар