Павлодарда тәртіп бұзған балабақша тәрбиешілері сотта жауап берді
Павлодарда балабақшалардың бірінде істейтін қос қызметкер сот алдында жауапкершілікке тартылды, деп хабарлайды pavlodarnews.kz тілшісі.
Іс материалына сүйенсек, олар тынығу уақытында бір-біріне балағат сөздер жаудырған.
«Сот мектепке дейінгі мекеме қызметкерлерін ұсақ бұзақылық жасағаны үшін кінәлі деп танып, әрқайсысына 10 АЕК көлемінде айыппұл тағайындады. Алайда ҚР Әкімшілік құқық бұзушылық туралы кодекстің 819-бабына сәйкес айыппұл көлемін азайтуға себеп болатын жайттарды ескеріп, соманы 17 847 теңгеге төмендетті. Бұл оқиғаға байланысты Павлодар облысы білім беру басқармасына жеке қаулы жіберілді. Қаулы заңды күшіне енген жоқ, – деді баспасөз қызметінде.
Талқылау