Павлодарда әкесіндей адамды аяусыз соққыға жыққан бұзақы іздестірілуде (видео)

Сәрсенбі, 30 Наурыз , 2016 22:48

Павлодарда аулада отырған қаңғыбасты соққыға жыққан бұзақы іздестірілуде. 50 жастағы азаматты әлдекімнің жұдырықтап жатқаны бақылау камерасына түсіп қалған. Кейін ғаламторда жарияланған бұл кадрлар көпшіліктің наразылығын тудырды, – деп хабарлайды КТК арнасының сайты.

Тек осыдан кейін ғана полицейлер қаңғыбасты ұрып кеткен адамды жер-көктен іздеп жатыр.

Жазықсыз адамды ұрған бұзақының әрекеті бақылау камерасына түсіп қалған. Ол аулада отырған кісіге бірнеше рет жұдырық жұмсап, ақыры жерге құлатқаны мына кадрларда анық көрінеді. Мұны қаңғыбасқа қамқор боп жүрген сол үйдің тұрғындары көріп, қаскөйдің жазалануын талап етуде.

“Масқара! Бұл жігіттерді тапсын, жазаласын”, – дейді Павлодар қаласының тұрғыны Әлия Ыбыраева.

“Володя біздің аулада бұрыннан бері тұрады. Тұрғындар оған қолынан келгенше көмектеседі. Осы жерде картон қағаз жинап, күнін көріп жүр. Оны жәбірлеуге ешкімнің хақысы жоқ, – дейді Павлодар қаласының тұрғыны Игорь Пестрецов.

Бұл жағдай әлеуметтік желі қолданушыларының қызу талқысына түскен соң жергілікті полицейлер іске араласты. Қаңғыбастан түсініктеме алған олар күдіктіні іздеуге кіріскен. Тәртіп сақшыларына өзін ұрып-соққан адамның еуропалық нәсілді, бойшаң, арықша келген жігіт деп сипаттады.

“Оның айтуынша, үш жас жігіт жанынан өтіп бара жатқан, сол кезде біреуі бөлініп кетіп, жанына келіп оны ұрып-соққан еш нәрсе айтпастан, – дейді Павлодар облысы ІІД баспасөз хатшысы Баян Мағзұмова.

Күдікті қолға түскен жағдайда жазасыз қалмайды деп отыр полицейлер. Қаңғыбасты ұрған бұзақы бұл қылығы үшін миллиондап айыппұл төлейді немесе екі жылға бас бостандығынан айырылады. Ал оңбай таяқ жеген мұқтаж жанның өзі қатты қорқып қалса керек, бүгін ауладан табылмады.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
23.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар