Өзбекстанда Ислам Кәрімовті аза тұту кезінде таратылған палау үшін кезекке тұрды (фото, видео)
Дүйсенбі, 5 қыркүйек күні, Өзбекстанның барлық қаласында өткен аптада қайтыс болған ел президенті Ислам Кәрімовке арналған еске алу асы берілді.
Фотолар: газета. uz
Тегін тамақ барлық тілек білдірген адамдарға Ташкенттің және басқа да қалалардың ірі мейрамханаларында таратылды. Еске алу асы мемлекеттік бюджет есебінен дайындалды.
Тегін Құдайы тамақтан дәм тату үшін адамдар ұзын-сонар кезекке тұрған. Тегін асқа асыққан өзбек ағайындар тіпті аз-маз тәртіп бұзушылыққа да жол бере жаздағаны бейнежазбадан айқын байқалады.
Өзбекстанның тұңғыш президенті Ислам Кәрімов елді 30 жылға жуық уақыт басқарып, 2 қыркүйек күні 78 жасында дүние салды. Ол Самарқандтағы Шахи-Зинда кесенесіне жерленді.
Талқылау