Өскемендегі ет сататын дүкенде бауыздалған қой денесіне әнші Psy-дың маскасы кигізілген
Өскемендік сатушы өз тауарына көпшіліктің назрын аудару мақсатында қой денесіне әнші Psy-дың маскасын кигізген. Қойдың етін саудалайтын базарда расымен де «Gangnam Style» әнін орындайтын әншінің беті кигізілген қой етіне көпшіліктің көзі түскен.
Оны әлеуметтік желіде тараған суреттен де байқауға болады. Бұл туралы YK-news.kz сайты хабарлайды.
Көпшілік сатушының әрекетіне байланысты түрлі пікір айтқан. Бірі бауыздалған қойдың етіне кигізілген маска «адам денесін түршіктіреді, қорқынышты» десе енді біреулері «мерекелік көңіл-күй сыйлайды екен» деген. Ет сататын дүкен басшылығы сатушының әрекетін келушілердің барлығы әзілмен қабылдағанын айтқан.
Талқылау