Өскеменде жаңадан қойылған қоғамдық дәретханалардың бағасы бекітілді

Өскеменде біраздан бері Е.П. Славский атындағы жағалау мен Республика алаңында қоғамдық дәретхана жұмыс істеп тұр. Енді олардың бағасы мен жұмыс кестесі бекітілді.

Суретті түсірген: Виктор Абакумов

Бұл туралы ТКШ-ның “Жолаушылар көлігі және автомобиль жолдары бөлімі” хабарлайды.

Еске сала кетейік, Республика алыңы мен Е.П. Славский атындағы жағалауды, Гагарин атындағы даңғылды қайта жөндеу жұмыстарынан кейін қоғамдық дәретхана орнатылған болатын. Ол бірнеше айдан кейін іске қосылды.

Дәретхана жағалау мен орталық алаңда жұмыс күндері таңғы сағат 09:00-ден 18:00-ге дейін жұмыс істейді. Дәретханалар канализацияға қосылған. Оның есебі арнайы оператордың қарамағында.