Организміңізге су жетіспейтінінің нақты белгілері

Ғаламшар тұрғындарының жартысынан көбі организмнің сусыздануынан зардап шегеді. Олар, тіпті, организмге су жетіспеуінің денсаулыққа байланысты үлкен қиындықтар тудыратынын біле бермейді.

Stan.kz денсаулығыңызды ойлай отырып, күнделікті ішіп жүрген су мөлшері қаншалықты жеткілікті және сусызданудың организміңізге ықпалы жайлы мәліметтер ұсынады.

Сусызданудың жеңіл және орташа деңгейінің белгілері:

• шөлдеу;
• ауыз құрғауы;
• шаршау;
• мазасыздану мен ашушаңдық;
• зәр түсінің қошқыл сары түске өзгеруі, зәр шығарудың азаюы;
• құрғақ тері, созылғыштығының төмендеуі;
• іш қату;
• бас айналу;
• бас ауруы;
• ауыздан жағымсыз иіс шығуы;
• тәттіге құмарлық.

Қатты сусызданудың белгілері:

• қатты шөлдеу;
• жүрек соғысының жиілеуі;
• естен тану;
• тыныс алудың жиілеуі;
• көздердің шүңіреюі;
• қан қысымының төмендеуі;
• терінің қатты құрғауы;
• бас айналуы;
• зәр шығарудың тоқтауы немесе зәр түсінің қоңырлануы;
• тіпті, күннің қатты ыстығында, денеге күш түскенде тер шықпауы;

Сусыздану деңгейін қарапайым тест арқылы анықтауға болады. Ол үшін қолыңыздың сыртқы жағының терісін шымшыңыз. Егер теріңіздегі тыртыс бірден жазылса, организміңіздегі су мөлшері жеткілікті болғаны. Ал тыртыс аздаған уақыт сақталса, ол – организміңіз сусызданғанының нышаны.

Адам организмі 60-80% судан тұрады. Егер күнделікті ішетін суымыз жеткіліксіз болса, ол қаннан 8%-ға дейін, жасушааралық кеңістіктен 26%-ға дейін, жасушалардан 66%-ға дейін алынады.