Оңтүстік Кореяға ұшқан туристерге тегін смартфондар таратылады
Оңтүстік Кореяға Инчхон халықаралық әуежайы арқылы ұшып барған туристерге тегін смартфондар таратылады. Акцияның ұйымдастырушылары жергілікті SK Telekom ұялы операторы, Samsung компаниясы және Ұлттық туризм ұйымы екен.
Бұл туралы Lenta.ru хабарлайды.
Акцияға қатысамын деуші саяхатшылар, сим-картасы салынған, мобилді тарифіне гигабайт қосылған Samsung Galaxy Note 5 ұялы телефонын бес күн пайдалануға ала алады. Тегін телефонды аптасына тек 250 адам ғана ала алады. Ал бір жылда 12 мың турист смартфондарды қолданады.
Гаджетті алу үшін туристерге Ұлттық туризм ұйымының сайтына өтініш қалдыруы керек. Акцияға тіркелу формасы порталда жақын күндері пайда болады. Шараның нақты қашан басталатыны әзірге белгісіз. Бұл осыған ұқсас бірінші тегін акция емес. 2015 жылдың шілде айында Лондон-Сити әуежайына қонған ұшақтың бір жолаушысы жүктерімен бірге тегін сыра алған болатын.
Талқылау