«Кешьюлік» Балжан Бидаш алдамшы махаббаттың құрбаны атанбаса да, «альфонс» жігіттерді көптеп кездестіргенін айтады. Әнші аруды, ел сүйенер ерім дегендердің ақша үшін мұндай қадамға баратыны қатты қынжылтады.

“Сақтана алмайсың мысалы. Аңқау емес қыздардың өзі, жігіттерге алданып қалып жатыр да. Бір қыздың тағдырын құртып, сондай тірлікке барып мысалы. Ертең алдынан шығады. Жігіттер ондай істемей-ақ қойыңдар”, – дейді КешYou тобының әншісі Балжан Бидаш.

«Арулар альфонс жігіттерге алдануда» деп дабыл қаққандар арасында Сара Амангелді де бар. Арам пиғылын іске асырғысы келгендер, кезінде өнер иесін де айналып өте алмапты. Алайда ол, қырағы көзім сұм серілерді бірден байқайды дейді.

“Негізі ондай кісілерді көргенмін. Мен ондай кісілерге назар аудармаймын. Ол кісілер ашық болады да, кішкене құтыршақ деген сияқты, «сәлем» деп, ондай балалар көрініп тұрады қандай оймен. «Альфонс» деген ана жаққа, мына жаққа қарап жүрген жігіттер”, – дейді Сара Амангелді.

Сүйіктісінің арқасында қалтасын қалыңдатқысы келетіндер, әсіресе шоу-бизнес өкілдерін жағалайды екен. Сол себепті, шығармашылық жолда жүрген жұлдыздардың өзгелерге айтары бір.

“Ғашық болсаң, соқыр болсаң көрмей қаласың ондайды. Сондықтан, байқап жүріңіздер қыздар, байқап жүріңіздер ұлдар”, – дейді КешYou тобының тағы бір бұрымдысы Назым Әбілдина.

Stan.kz сайтын Telegram арқылы оқыңыз. Арнамызға жазылыңыз.

Талқылау