Олимпиада жүлдегері Карина Горичеваға 10 миллион теңгенің сертификаты табысталды
Бүгін Талдықорған қаласындағы оқушылар сарайында Рио-де-Жанейродағы Олимпиада ойындарының жүлдегерлерін марапаттау шарасы өтті.
Бұл туралы ҚазАқпарат хабарлады.
Облыс басшылығы атынан Алматы облысы әкімінің бірінші орынбасары Ләззат Тұрлашев Олимпиада қатысушыларын құттықтап, аймақ спортшыларының үлесін ерекше атап өтті.
“Барша Қазақстан және біз сендерге жанкүйерлік етіп, толқып отырдық. Бірақ, сендер үмітімізді ақтадыңдар, сендерге үлкен алғыс білдіремін”, – деді Л.Тұрлашев.
Әкімнің орынбасары ауыр атлетика бойынша қола медальді жеңіп алған Карина Горичеваға 10 миллион теңгенің сертификатын табыстады. Ал 5-ші орын алған Маргарита Елисеева 3 миллион теңге алды.
Сонымен бірге, спортшылардың бапкерлеріне де сыйақы берілді.
Жіберіп алмаңыз:
Қостанай әуежайында Иван Дычконы қызы күтіп алды (фото, видео)
Оңтүстік халқы Рио Олимпиадасына қатысқан спортшыларды күтіп алды (фото)
Әсет Исекешев Олимпиада жүлдегерлеріне жол талғамайтын көлік сыйлады (фото)
Ильиннің бапкері: Нидің ұсынысымен Олимпиададағы аккредитациямның күші жойылды