Оқырмандар бикинимен суретке түскен мұсылман актрисаны сынға алып, дінін өзгертуді талап етті

Желі қолданушылары мұсылман дінін ұстанушы үндістандық актриса Сара Ханнан дінін өзгертуді талап етті. Ол демалыс кезіндегі бикинимен түскен суретін инстаграмға жариялағалы көпшіліктің сынына ұшырады, деп жазады Stan.kz ақпараттық агенттігі.

Актрисаның парақшасындағы суретті көрген кейбір пайдаланушылар ол фотолар мұсылман әйелге тән емес деп ашуланды.

«Сен мұсылман екеніңді ұмытып кеттің деп ойлаймын. Дініңді өзгерт, өйткені исламда мұндай киімдерге рұқсат етілмейді», – деп жазды желі қолданушысы.

«Дініңді өзгертіп, қалағаныңызды істе. Нағыз ұятсыздық. Сен мені шабыттандыратын мұсылман қыз едің, енді сені жек көремін », – деген тағы басқа оқырман.

Шетелдік бұқаралық ақпарат құралдарының мәліметіне сүйенсек, актриса бұған дейін желі қолданушыларының сынына басқа адамдарды құрметтеу керек деген хабарлама жіберген екен.

Stan.kz сайтын Telegram арқылы оқыңыз. Арнамызға жазылыңыз.