Саяра 22 жасында 2013 жылы Өзбекстандағы Бекабададан қаржы табу үшін Қазақстанға келген. Өз махаббаты кездескенше барлық қиындыққа шыдаған. Ақыры, оның кездестірген ханзадасы 50 жастағы Қарабұлақ ауылының тұрғыны Марат Дишанов (аты-жөні өзгертілді) екен. Олар некеге тұрмай-ақ балалы болады. Мараттың анасының айтуынша, келіні арыз жазып полиция мен прокуратураға жүгіріп, тіпті Астанаға дейін барған. Ерлі-зайыптылар 2015 жылы тамызда Саяраны Нұрзада Хасенова есімді әйел тұтқында ұстап, жезөкшелікке мәжбүрлеген дейді.

Саяраның арызында жазылғандай, оны Қарабұлақ ауылынан тысқары жерге алып шығып 92 еркек зорлап, жабайы түрдегі жыныстық әрекеттерге барған. Олардың қатарында 2-ші топтағы мүгедек Азат Құдайбергенов есімді адам да бар болып шықты.

“Менің жасым 74-те. Ол әйел менің шөбереммен жасты. Олай айыптауға қалай дәттері барады. Бір күні күйеуі келіп менен 300 мың теңге талап етіп, бермесең полицияға арызданамын деді. Мен айқайлап үйден қуып шықтым. Бірақ, бір аптадан соң тергеуге шақырды”, – дейді ашынған ақсақал.

сыы

Сондай-ақ, 75 жастағы Шапулат Әбдіғапиров та жас әйелді зорлады деген күдікке ілініп отыр. Тергеуден соң ауыл еркектерін автобуспен Шымкентке алып кетіп, венерологтар анализ қабылдаған. “Зорлағандардың” ішіндегі ең қарты 78 жастағы – Әбдуқадыр Қаратаев екен.

“Бұл менің әкем. Ол біреуді зорламақ түгілі, өзі әзер жүріп-тұрады. Біз ол әйелге баспана, жұмыс бергендегі айтып отырған “алғысы”, – дейді Нұрзада Хасанова.

“Мұның бәрі әлгі әйелдің ойдан шығарып отырғаны. Бәрін тергеу анықтайды. Біздің күшіміз жетпес”, – дейді ауыл әкімінің орынбасары Бақтияр Шамұратов.

Қазір ІІД қызметкерлері әйел мен оның күйеуін тергеп, сотқа дейінгі амалдарды жүзеге асырып жатыр. Алайда Сайрам аудандық полициясы жүргізген сараптама бойынша, әйел ешқандай ауылдас еркектермен жыныстық қатынасқа түспеген деген қорытынды шығарған.

Талқылау