ОҚО-да ит қапқан қыз құтыру дертінен көз жұмды

Оңтүстікте тағы бір адам құтырудың кесірінен қайтыс болды. Созақ ауданындағы ит қауып алған 14 жасар қыз дертке шалдыққан еді. Жасөспірімді ауылдасының иті қауып алған. Соның салдарынан қыз құтырудың белгілері бар деген күдікпен ауруханаға жатқызылған.

Бұл туралы otyrar.kz сайты хабарлайды.

Қазіргі таңда анық болғаны, 2002 жылы туылған жас қыз құтырудан көз жұмды. Ал облыстың ветеринарлары жасөспірімді қапқан иттің денесін зерттеу жұмыстарының нәтижесі 15 күннен кейін белгілі болады деп отыр.

Айта кетейік, бұл — Оңтүстікте тіркелген құтырудың үшінші оқиғасы.