Соңғы жаңалықтар
Соңғы жаңалықтар

ОҚО-да әулет шежіресінің заманауи түріне тапсырыс берушілер көбейген

ОҚО Сайрам ауданының тұрғыны Нұрхан Сейтов әулет шежіресін жасаумен айналысады.  Әулет шежіресіне шебер жеті атадан бастап, апа-әжелердің, келін, қыздардың , күйеу балаларының да аттарын жазады.

шежіре8

STAN.KZ  сайтының өңірдегі тілшісі Нұрхан Сейітовтың кәсібімен танысып қайтқан еді.

шежіре2

Талай жыл сәулетші қызметін атқарған азамат зейнет жасқа шыққалы осы істі кәсіп еткен екен.Жайқалып өскен үлкен ағаш ретінде бейнелетін бұл кескін әулеттің атадан балаға мұра болып қалатын үлкен естелігі деуге болар. Ағаштың түбіне үш бидің сөздері мен жеті ата мен қазақтың жеті қазынасы жайлы жазылған. Шежіреде жеті ата мен соңғы бірнеше ұрпақ таратылып көрсетіледі.

шежіре 12

шежіре 11«Бұл кейінгі ұрпақ әжелерінің де кім екенін білу үшін жасалады. Кезінде көп рулар апа-әжелердің руымен қосалқы аталатын болған. Сондықтан нәзік жандыларды да ұмыт қалдырмауды жөн көрдім. Әулет шежіресінің тәрбиелік жағы зор. Келіндердің аты жазылып тұрған соң, моральдық тұрғыда әсер етеді. Әсіресе қазіргі ажырасу тым көп болып тұрған заманда»,- дейді Нұрхан Сейтов.

шежіре6

шежіре7

Үйдің төрінен орын алатын шежіренің айналасы өрнектеліп, беті әйнекпен жабылған. Оны алдағы уақытта толықтырып не өзгертіп отыруға болады. Соңғы жасалған шежіреде тіпті жарық шамдар орнатылған. Онда адамдардың аттары жапырақ етіп қиылған алтын түстес қатты қағазға жазылады.

шежіре 1

Бұл шежіреде 200 адамың аты бар. Өз еңбегі үшін шебер артық ақша сұрамайды. Бір жапырақтың бағасы 200 теңге. Жүрегіне жақын бұл істің отбасына әкелер пайдасы қуантады, дейді шебер.

шежіре10

Әулет шежіресі бар отбасы үш жұртын жадында сақтайды. Ол үйде өз жұрты, қайын жұрты мен нағашы жұртын білген ұрпақ өседі. Бұл іспен айналысуға шебердің 13 жыл бұрын бастан өткен оқиғасы түрткі болған екен.

шежіре 9

«Бірде жолдасымның үйіне барсам баласына мектепте тапсырма беріпті. Жеті атаңның атын жазып кел деген. Сонда әкесі де жеті атасын білмей, «көршілердің атын жаса салшы, апайың қайдан біліп жатыр» деді. Содан бастап осы істі біртіндеп қолға ала бастадым. Қазір жеті атасын білмейтіндер көп. Ұрпақ тәрбиесін жеті атамызды білуден бастайық»,- дейді Нұрхан Сейтов.

шежіре3

Осы уақыт ішінде Астана мен Орал, Қарағанды облыстарынан тапсырыс түскен. Көрші Өзбекстан елінің азаматтары да жиі сұраныс білдіреді екен. Тіпті басқа ұлт өкілдері де қызығушылық танытып жатқанын айтады, шебер. Сұраныс берушілердің басым бөлігі қарапайым азаматтар екен. Бұл игі істі алдағы уақытта үлкен немересінің жалғастырғанын қалайды.

шежіре4Айтуынша, жалпы бұл дүниені ағаштан, темірден не киізден де жасауға болады. Керек болса алтын мен күмістен де ойып, асыл тастармен көмкеріп істей алады. Әрине тапсырыс берушінің талғамына сай. Шебер Елбасының әулет шежіресін жасауды армандайды. Қолдау көрсетушілер табылса.

шежіре5

Талқылау