ОҚО-да 17 жасар қыз жоғалып кетті
Жергілікті полиция қыздың демалысқа ата-анасына келіп, 10 мамырда Шымкентке жету мақсатында Жетісай-Шымкент бағыты бойынша жол бойынан таксиге отырғанын анықтаған.
ОҚО ІІД баспасөз қызметі қыздың Сарыағаштан Шымкентке бармақшы болғанын айтады.
« 11 мамыр күні Сарыағаш ауданы полициясына 53 жастағы кісі болған жайт бойынша арыз түсірген. Ол 10 мамыр түскі 15:00-де кәмелет жасына толмаған қызының оқуға бару үшін Шымкентке шыққанын, содан кейін хабарсыз кеткені жайлы айтқан»,-делінген ІІД баспасөз баяндамасында.
Шағымданушының арызы қабылданып қазір 1998 жылы туылған Оспанбекова Айгерімді іздеу жұмыстары жүргізіліп жатыр.
Айгерімнің айрықша белгілері: Бойы 160-165 см, орта денелі, шашы ұзын қоңыр түсті, көзі қысыңқы қоңыр түсті.
Киімі: қызыл түсті жейде, оның алдында ақ түстен салынған жүректің суреті болған. Көк түсті джинсы шалбары, қара кеды, қолында сұр түсті сумкасы мен сары түсті қол сумкасы болған.