Соңғы жаңалықтар
Соңғы жаңалықтар

Нұрсұлтан Назарбаев қазақстандықтарды Тәуелсіздік күнімен құттықтады

Бүгін Ақордада Қазақстан президенті Нұрсұлтан Назарбаев ерен еңбегімен ерекшеленген азаматтарды марапаттау барысында барша қазақстандықтарды Тәуелсіздік күнімен құттықтады. Бұл туралы Ақорда баспасөз қызметі хабарлады.

Нұрсұлтан Назарбаев қазақстандықтарды Тәуелсіздік күнімен құттықтады

«Баршаңызды егеменді еліміздің ең ұлық мерекесі Тәуелсіздік күнімен шын жүрегіммен құттықтаймын. Сіздер арқылы барша қазақстандықтарды құттықтаймын. Бұл ғасырлар бойы азаттықты аңсаған ата-бабамыздың арманы болған қастерлі мейрам. Абыройы асқақ, беделі биік мерейлі мемлекетіміз өзінің екінші ширек ғасырлық белесіне қадам басты. Осы  жылдар ішінде біз аз уақытта сыннан сүрінбей өтіп, береке-бірліктің арқасында түрлі қиындықтарды еңсере білдік. Қазір Қазақстан төрткүл дүниеге толық танылған, халықаралық қоғамдастықтың белді мүшесі болып танылды. Алдымызда тұрған мәртебелі мақсат-міндеттерге де бірлесе  қол жеткіземіз деп сенемін. Тәуелсіздікке тәу ететін кез келген халық үшін бұдан асқан маңызды мейрам болмаса керек», – деді Нұрсұлтан Назарбаев.

Сонымен қатар, мемлекет басшысы тәуелсіздік күні қарсаңында, ерен еңбек көрсеткен азаматтарды марапаттау игі дәстүрге айналғанын атап өтті.

«Оның  үстіне биыл елордамыздың Алматыдан Ақмолаға көшуіне 20 жыл толды. Жаңа мыңжылдық қарсаңында сайын далада бой түзеген әсем Астана Тәуелсіздіктің тұмарына айналды. Осындай айтулы күні мәртебелі марапатқа ие болудың символдық мәні өте зор деп санаймын. Сондықтан Ақорданың төріне жиналған сіздер үшін бүгін ерекше мерейлі күн», – деді Қазақстан Президенті.


Тағы оқыңыз: 16 желтоқсан тәуелсіздік күні туралы мәлімет

Талқылау