Нұрлан Еспанов қызының оқу бітіргенін айтып мақтанды (фото)

Әнші әрі композитор Нұрлан Еспановтың тұңғышы жоғары оқу орнын бітірді. Еспанов желіге Әйгерімнің диплом алған сәтінен суреттер жариялап, елге мақтанды.

Бұл туралы Stan.kz хабарлайды.

“Қызым Абылай xан атындағы Қазақ халықаралық қатынастар және әлем тілдері университетінің “Шығыстану” факультетінің түлегі атанды. Енді кызым дипломы бар шығыстанушы. Корей және ағылшын тілін тәмамдады.️ Құтты болсын, қызым”, – деп жазды Еспанов.

Композитордың бойжеткен қызын көрген жұрт Еспановтың жас көрінетінін айтып, қайран қалуда.

“Қандай жап-жассыз, қызыңыз оқу бітіріп жатыр”, “Суретте қарындасы мен ағасы сияқты”, “Сіздің қызыңыз оқу бітіріп қойды ма? Біздікі әлі 9-сынып”, “Қандай күшті, өздеріңіз жап-жассыздар”, – деп тамсанды желі оқырмандары.

Айта кетейік, Еспановтың қызы Әйгерім былтырғы жылы спортшыға тұрмысқа шыққан болатын. Биылғы жылдың наурыз айында Әйгерім ұл босанып, Еспанов алғаш рет ата атанған еді.

Жіберіп алмаңыз:

Қайрат Түнтеков: Әлемге танымал қазақ әншісі болсам деймін

Сән сахнасына шыққан Кішкенбаевтың қызы жұртты тәнті етті (видео)

Қызбен сүйісіп тұрған Арынбаевтың ұлы желіні шулатты

Бибігүл Төлегенова: Құдайға шүкір, су тасып, қолмен кір жуған күндерім де болды