Соңғы жаңалықтар
Соңғы жаңалықтар

“Көрсеткіш нашар болды”: Серік Сәпиев Токио Олимпиадасына қатысқан қазақ спортшылары туралы айтты

Спорт және дене шынықтыру комитетінің төрағасы Серік Сәпиев қазақстандықтардың Токиодағы Олимпиада ойындарындағы көрсеткішін нашар деп бағалады, деп хабарлайды Stan.kz ақпарат агенттігі. 

Қазақстанда спорт университетін ашу жоспарланып жатыр

"Көрсеткіш нашар, өйткені бізде Олимпиада ойындарында алтын медаль жоқ. Олимпиадада төрешілер объективті түрде бағалады. Бірақ бүгінгі жартылай финалда Сәкен Бибосынов жеңуі керек еді деп ойлаймын. Олар дұрыс бағалады ма, назардан тыс қалдырды ма, белгісіз. Мұны төрешілердің ар-ожданына тапсырамыз. Екінші раундта, менің ойымша, Сәкен таза жеңді. Мен екінші раундты британдық боксшының пайдасына берген Марокко мен Корея төрешілерін түсінбеймін. Жалпы ол 2:3 есебімен ұтылды", – деді ол.

Оның айтуынша, қалған боксшылар өздерін жақсы жағынан көрсете алмаған.

"Жеңіліс болды. Кейбір жігіттердің жақсы формада болмағаны байқалады. Бірақ нәтиже нәтиже болып қала береді. Менің ойымша, көрсеткіш нашар, өйткені біз жоспарланған алтын медальді ала алмадық", – деді Сәпиев.

 

Талқылау