Соңғы жаңалықтар
Соңғы жаңалықтар

Не себепті түймелі телефондар әлемде қайта қолданысқа шығуда

2017 жылы ғаламторсыз түймелі телефондарды сатып алу 5 пайызға артты. Ескі модельдерге деген сұраныс соңғы жылдар ішіне алғаш рет артып отыр.

Ал, смартфондарға деген сұраныс бірден төмендеп кетті. Оған тұтынушылардың күнделікті әлеуметтік желіні қолданудан шаршауы себеп болуы мүмкін.

Қолданушылар арзан телефондар алып, саналы түрде Instagram, Facebook желілерінен өзін алшақтатуда.

Fox News мәліметінше, орта есеппен қолданушылар 12 минут сайын желіден жаңалық қарап отырады. Британдықтардың 78 пайызының өз өмірін телефонсыз елестете алмайтыны анықталды.

Ересектер күніне екі жарым сағат уақытын желіде өткізеді.  Ал, 18-24 жас аралығындағылар 3 сағат 14 минутын өткізеді.

Ғаламторға деген тәуелділік смартфон иелерін де алаңдатты. Соған орай iOS 12-те beta-нұсқасын шығарды. Онда қолданушының ғаламторды қанша уақыт пайдаланғаны көрсетіледі.

Stan.kz сайтын Telegram арқылы оқыңыз. Арнамызға жазылыңыз.

Талқылау