Назарбаев: Папуастармен жүруді тоқтату керек
Қазақстан президенті Нұрсұлтан Назарбаев ЭКСПО-2017 көрмесінің мәдени шарасына қазақстандық әртістерді шақыра отырып, потенциалымызды ең жоғары деңгейде көрсетуіміз керек екенін айтты.
Сурет: РИА Новости
«Мәдени бағдарламалар туралы айтылды, ашылу, жабылу салтанаты жөнінде айтылды. Крутойды шақырасыздар, (бұған дейін Ресейдің танымал композиторы Игорь Крутой Қала күніне орай өнер көрсеткен), одан басқаны да шақырып, миллиондап ақша төлейсіздер. Папуастармен жүруді тоқтату керек. Өзіміздің әртістеріміз де жетеді. Қайта керісінше, өз мәдениетімізді көтеруіміз керек», – деді Назарбаев ЭКСПО-2017 көрмесіне дайындық отырысы барысында.
«Мен сырт жақтан осында адамдар шақырғанда, қызықты болатынына күмәнданамын», – деп қосты елбасы.
Халықаралық мамандандырылған ЭКСПО-2017 көрмесі Астана қаласында келер жылдың 10 маусым мен 10 қыркүйек аралығында өтеді деп жоспарлануда. Көрмеге 100 ел қатысады деп жоспарланып отыр. Көрмеге келушілер саны 5 миллиондай болмақ. Туристердің көпшілігі ТМД, Қытай, Европа, Оңтүстік Шығыс Азия, Түркия елдерінен келеді деп болжануда. Қазіргі уақытта көрмеге 82 ел мен 14 халықаралық ұйымның қатысатыны расталды.
Жіберіп алмаңыз:
Елбасы Астанадағы тұрғын үйлердің бірінші қабатында балабақша ашуды талап етті