Назарбаев Алматы облысының әкіміне бизнесті дамытуды тапсырды

Ақорданың баспасөз қызметінің хабарлауынша Нұрсұлтан Назарбаев Алматы облысының әкімі Амандық Баталовқа облыстағы инвестицияға тарту, кіші және орта кәсіпкерлікті қолдау жұмыстарын тапсырды, – деп хабарлайды  Stan.kz

Елбасы аймақтың алдағы уақыттағы экономикалық тұрақтылығын, мемлекеттік бағдарламалардың жүзеге асуын, халықтың жағдайын жақсарту мақсатында кризистік жағдайлардың алдын алу, оған қарсы әрекет ету керектігін айтты.

Амандық Баталовтың мәлімдеуінше КОБ дамыту бағдарламасы аясында 360 компанияға қаржылық қолдау көрсетіліп, 100 миллиард көлемінде инвестиция салынды. Сонымен қатар, 11 индустриялық алаңдар салынып, экономикалық өсімді арттырып жатқаны баяндалды.