«Mysterions» тобына 10 жыл: Арман Қоңырбаев тыңдармандарға ерекше сый жасамақ

Осыдан тура 10 жыл бұрын отандық шоу-бизнесті су жаңа топ толықтырған болатын. Арман, Дильен, Ілияс атты бозбалалардың достығынан құрылған бойзбенд – «Mysterions» деп аталды. Бүгінде мерейтойдың қамына кіріскен трио, тыңдармандарына ерекше шоу ұсынуды ұйғарыпты.

Арман Қоңырбаев

Бұл туралы НТК арнасының “Ревю” бағдарламасында айтылды.

Арман, Ілияс және Дильеннің достығы бала кезде футбол алаңында бастау алған. Спортты серік еткен бозбалалар, күндердің күнінде топ құруды қолға алады.

“Біз бастаған кезде біздің тыңдармандар мектепте оқып жүргендер және студенттер еді. Енді, 10 жылда олардың жастары менімен бірдей шығар. 30-ға келіп қалды”, – дейді Арман.

Осы уақыт ішінде «Мистерионстың» репертуры 10-ға жуық бейнебаян мен 20-дан астам тректермен толыққан. Алғашқы жылдары хит шерулерде көш бастаған бойзбендтің бүгінде танымал әндері жоқтың қасы.

“Бір нәрсе айтып кетейін. Бірінші мен үйлендім, сосын Ілияс, сосын Дильен үйленді. Сосын бізде қыз туылды, Ілияс та ұл туылды. Сол секілді нәрселер кішкене өнерге үзіліс берді. Былайша айтқанда «стоп» берді”, – дейді Қоңырбаев.

Отағасы атанған жігіттерге отбасы да демеу беруге құштар. Мәселен, Аша Матай «Mysterions» тобының концертіне өзіндік үлесін қосқысы келеді. Алайда, Арман топ жұмысына жұбайын араластырмайды екен.

“Негізі идея лақтырудан тайынбаймын. Және де Арманның өзіне айтып жатамын, жігіттермен бірге жиналайық, бірге қосылып концерт істейік. Бірақ, Арман ол біздің жұмысымыз ғой деп мені көбінесе аралмастырмайды. Біз өзіміз шешеміз дегендей”, – дейді Аша Матай.

“Балалармен шамалап былай ойландық та, қандай концерт жасаймыз деп. Республика сарайы жақсы ғой. Ақша табу, жанды дауыс. Бірақ, біздің ойымыз бір алаңда, тегін. Яғни, біз керісінше халыққа сыйлықтар беріп деген сияқты… 10 жылдықты солай тойлағымыз келеді”, – дейді Арман Қоңырбаев.

«Мистерионстықтар» мерейтойды осы жылдың күз мезгілінде атап өтуде жоспарлап отыр.

Stan.kz сайтын Telegram арқылы оқыңыз. Арнамызға жазылыңыз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
21.08.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар