Соңғы жаңалықтар
Соңғы жаңалықтар

Мұхтар Тайжан: Үш атасы Қазақстанда туғандар жерді жалға алсын

Жер реформасы жөніндегі комиссияның жанынан құрылған Құқықтық жұмыс тобының жетекшісі Мұхтар Тайжан үш атасы қазақ жерінде туылған ел азаматы жерімізді жалға алсын деген ұсыныс айтты.

taijan-1

Сурет: mgorod.kz 

Бұл туралы BNews.kz хабарлайды.

«Бүгін күн тәртібінде біз екі мәселені қарап отырмыз. Жерді жалға береміз бе және жерді шетелдіктер жалға ала ма? Өз басым жерді белгілі бір шектеумен, көлеммен және мерзіммен жалға беруіміз керек. Үш атасы өз елімізде туылған азаматтарға ғана жерді жалға алу құқы берілуі керек деп ойлаймын», – дейді Мұхтар Тайжан.

Сондай-ақ, жұмыс тобының жетекшісі өз ұсынысында жерді жалға беруге қатысты көптеген пікірді айтты.

«Соның бірі – егер жерді жалға алған азамат үш жыл ішінде жерді ешбір өңдей алмаса, оның жері мемлекетке қайтарылуы керек. Сол сияқты, жердің құнарлылығын жоғалтып, тоздырған жалға алушылар да жауапкершілікке тартылғаны жөн», – дейді жұмыс тобының жетекшісі.

Талқылау