Мұхамедиұлы спортшы Ғабидуллинаны үш әлемдік рекордымен құттықтады

Сейсенбі, 12 Сәуір , 2016 21:44

Голландияның Эйндховен қаласында өткен дәстүрлі «Swim Cup EINDHOVEN» жарысында жүзу спортынан қазақстандық паралимпиалық спортшы Зүлфия Ғабидуллина әлем рекордын қатарынан 3 рет жаңартты.

52159784ea37a

Осы жоғары жетістікпен оны Қазақстан Республикасының Мәдениет және спорт министрі Арыстанбек Мұхамедиұлы құттықтады, деп хабарлады министрліктің баспасөз қызметі.

«Бұл жетістігіңіз бейбіт еліміздің азаматшасы ретінде жасаған ерен ерлігіңіз деп білемін. Сіздің еншіңізде осымен 6 әлем рекорды бар. Қазіргі таңда 50, 100 және 200 метрге еркін әдіспен жүзуде әлемдік рейтингте Сіздің көш бастап тұруыңыз – біз үшін зор мақтаныш. Тағдырдың тезіне қайсар мінез танытып, көпке үлгі боларлықтай ерлік жасап келесіз.

Рио-де-Жанейро қаласында өтетін алдағы XV Паралимпиада ойындарында Сізге сәттілік тілегім келеді! Бұл жеңістеріңіз жаңа жетістіктерге ұласа берсін!”, – деп жазды министр құттықтауында.

Айтып кету керек, Зүлфия Ғабидуллина алдымен 50 метр қашықтықта жартылай финалда 44.99 секунд уақытта жүзіп өтіп, бірінші рекордын орнатты. Араға көп уақыт салмай, финалда еркін жүзу әдісімен осы қашықтықта жаңа әлем рекорды болып табылатын 44.17 секунд уақыт көрсету арқылы 1-орынды иеленді.

Кейін 100 метр қашықтықты 01:34.86 уақыт ішінде өту арқылы әлем рекордын тағы бір мәрте жаңартты. Сондай-ақ Зүлфия Ғабидуллина еркін әдіспен жүзу бойынша 200 метр қашықтықта да алдына жан салмай 1-орынды иеленді.

Естеріңізге сала кетейік, Зүлфия Ғабидуллина осыған дейін Рио-де-Жанейрода өтетін XV Паралимпиада ойындарына жолдама алған болатын. Қазіргі кезде Зүлфия Ғабидуллина осы 3 қашықтықтарда (50, 100, 200 метр) әлемдік рейтингте көш бастап тұр.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
27.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар