Менің жасырын бостандығым: Иран әйелдері орамалдан бас тартуда (фото)
2014 жылдың 3 мамырында ирандық журналист масих Алинеджад желіде «Менің жасырын бостандығым» шеруін ұйымдастырған еді. Иранда 1979 жылғы Ислам ревалюциясынан кейін қабылданған заң бойынша әйелдер шашын көрсетпей, жабынып жүрулері керек. Көптеген ирандықтар қоғамдық орында жабынуға ешкімді мәжбүрлемеу керек, азаматтар таңдау жасауға ерікті болуы керек деп есептейді.
Исламда әйелдердің жабынып жүруі міндет болмаса да, Иран билігі мұны қатаң қадағалауда ұстайды. Хиджап кимеген әйелдер елде жиі жазаланып жатады. Бастапқыда айыппұл салынады, егер әйел қайталай беретін болса қатаң жазаланады.
Иран әйелдерін қолдау мақсатында Масих есімді журналист Facebook желісінде арнайы парақша ашты. Онда азаматтар жабынуға қатысты еркін таңдау жасау бойынша ойларын ашық айтады. Ұйымдастырушының сөзінше арнайы ашылған парақшаға жүктелген суреттер айтарлықтай фото, видео қор жинап қойған. Жергілікті басылымдардың да жабынуға қатысты ұстанымы екіге бөлініп жатқан көрінеді.
«Мен батыл көңіл-күйдемін. Өз елімде өз еркіндігім үшін күресуге дайынмын. Бұдан былай ешкімнен қорықпаймын»
«Мәжбүрлеп орамал таққызу –адамды қорлаумен тең»
Кей қыздар шашы мен бас терісін таза ауамен тыныстандырғысы келеді.
«Мен бұдан былай қорықпаймын. Маған қорықпай қосылыңыздар. Бұл біздер бірігетін жалғыз жол. Күш біріктірсек бостандыққа қол жеткіземіз. Бұл еркіндікке ұмтылудың басы ғана»
« Көпшілік орамал тағынып жүреді. Ол діни ұстанымы үшін емес. Мәжбүрліктен»
«Мен өз елімде еркін болуға лайықпын»
«Менің қара шашым орамалдың астында сиреп кетпек. Күн мен таза ауаны ашық көре алмағаны аянышты»
Әйелдер бұл парақшада хиджабқа қарсы екенін немесе оны қолдайтынына дауыс беріп жатыр.
Алғашқы бес аптада парақша 500 мың ұнату белгісін жинаған.