Майкл Фелпстан қолтаңба сұраған сингапурлық фанат оны 8 жылдан соң Рио олимпиадасында жеңіп кетті (фото)
Сингапурлық жүзу спортының шебері Джозеф Скулинг Рио-де-Жанейродағы олимпиада ойындарында жеңіске жетіп, алтын олжалады.
Фото: rus.delfi.ee
Бұл туралы vesti.kz хабарлайды.
21 жастағы Скулинг 100 метр қашықтыққа баттерфлей әдісімен жүзу кезінде сенсациялық жеңіске жетті. 50,39 секунд уақыт көрсеткен ол, 51,14 секунд бірдей уақыт көрсеткішін көрсеткен үш бірдей спортшының алдын орап кетті. Скулингтен қалып қойғандар – америкалық Майкл Фелпс, венгриялық Ласл Чех және оңтүстік африкалық Чад Ле Клоса.
Олимпиада чемпионы атанған Скулинг енді өз елінде миллион доллар ақшалай сыйлықпен марапатталмақ. Ал әлеуметтік желідегі оның отандастары, жас спортшының келесі олимпиадаға дайындалып қатысуы үшін оны әскери борышын өтеуден босатуды сұрап жатыр.
Скулингтің жеңісінен соң желіде оның бала кезінде Майкл Фелпспен түскен суреті тарап кетті. Сингапурлық балақай 22 дүркін олимпиада чемпионымен 8 жыл бұрын суретке түскен екен. Олар Сингапурде америкалық спортшылар жаттығу өткізіп жатқан кезде жолығып қалған.
Ал Скулинг ол сәтте демалыста жүрген екен.
Ал 12 тамыз күні олимпиада тарихындағы 22-ші алтынын ұтып алған Фелпс, Рио олимпиадасынан соң спорттық мансабын аяқтайтынын хабарлады.
Скулинг жүзумен алты жасынан бастап айналысады. Оның атасы Ллойд Валберг 1948 жылы олимпиада ойындарына қатысқан тұңғыш сингапурлық болған екен.
Риоға дейін Скулингтің ең жоғарғы жетістігі 2014 жылы Азия ойындарындағы жеңісі мен әлем чемпионатының қоласы болған.