Матч кезінде футбол ойнап жүрген спортшыны найзағай соғып өлтірді
«Марицбург Юнайтед» Оңтүстік Африка клубының 21 жастағы футболшысы Луанда Нцхангасе матч кезінде ұрған найзағайдың соққысынан екі айдан кейін қайтыс болды.
Бұл туралы Би-Би-Си хабарлады, деп жазады Stan.kz ақпараттық агенттігі.
Ағымдағы жылдың 1 наурызында матч кезінде үш ойыншыны найзағай соқты. Екі ойыншы жеңіл жарақат алды, ал кеудесі күйіп кеткен Луанда жедел түрде ауруханаға жеткізілген. Осы уақытқа дейін ол дәрі-дәрмектің күшімен комада жатты.
Екі ай ес-түссіз жатқан футболшы ауруханада көз жұмды. Клуб басшылығы қайтыс болған жігіттің отбасымен алдағы аза тұту рәсімінің егжей-тегжейін талқылау үшін кездеспекші.
«Марицбург Юнайтед» құрамасы үш жылдың ішінде үш ойыншысынан айырылды. 2016 және 2017 жылдары автокөлік апатынан 27 жастағы Мондли Келе және 20 жасар Млонди Диамини көз жұмды.
Аталған футбол клубы қазіргі уақытта ұлттық Премьер-Лигада төртінші орында тұр.
Айта кетейік, 12 наурызда Руандада найзағайдан кем дегенде 15 адам қайтыс болды.
Тағы оқыңыз:
Ақжарқын Тұрлыбай сияқты: Ресейлік бойжеткен Вьетнамға есірткі кіргізгені үшін өмір бойына сотталды
Алматы медицина университетінің түлегі Қырғызстанның Денсаулық сақтау министрі болып тағайындалды
Көп өмір сүріп қойдым: 104 жастағы ғалым өлу үшін Швейцарияға аттанды
Көліктің есігін ашуды үйреніп алған арыстан туристердің зәре-құтын қашырды (видео)