Марстан тапанша мен ежелгі египеттік тас табыт табылды

Curiosity және Opportunity атты америкалық барлаушылардың жерге жіберген суреттерінде таңқаларлық нысандар бейнеленген. NASA жариялаған суреттерде крест пен құлпытас көрінеді.

Суреттер NASA

“Бұлар ерекше олжалар әрі маңызды ашылулар дер едім. Кресттің төменгі бөлігі көрінбейді, бірақ мен оның толыққанды крест екеніне сенімдімін”, – дейді UFO Daily басылымының редакторы Скотт Варинг.

Қызыл планетаның басқа қырынан түсірілген суретте заманауи тапаншаға ұқсас зат көрініп қалған.

Тағы бір суретте ежелгі египет тас табытына келіңкірейтін бейнені көруге болады. Бұл кезінде перғауындарды жерлеу үшін пайдаланылатын табыттар болған. Тіпті кейбіреулер нысан марстықтарды жерлеу қабірі шығар деп те болжам жасаған.

Алайда NASA ғалымдары суреттегі шынайы саркофаг емес, жергілікті бір нысанның немесе қандай да бір тау жыныстарының сынығы болуы мүмкін дейді.