Маңғыстауда жалған медбике екі жылдан астам уақыт елді емдеп жүрген
Маңғыстау облысындағы Жетібай елді мекеніндегі ауруханада осы кезге дейін жалған медбике жұмыс істеп келіпті. Оны құқық қорғау органдарының қызметкерлері тауып алды, деп хабарлады «Егемен Қазақстан» басылымы.
Осы қылмыстық істі қараған Қарақия аудандық соты Жетібай ауруханасында арнайы білімсіз медбике жұмысын атқарып келген адамға қатысты шешім шығарды. Ол Қылмыстық кодекстің 685-бабы, 3-тармағы бойынша айыпты болып танылып, 99100 теңге көлемінде айыппұл төлейтін болды.
Сотталушы аталған ауруханада 2012 жылдан бері жұмыс істеп келген. Алайда, ол арнайы сертификатсыз мұнда жұмыс істеуге тиіс емес еді. Мұны білген жалған медбике оның орнын жалған сертификатпен толтырып қойған екен.
Талқылау