Маңғыстауда әкім орынбасарының орысша жауабын түсінбеген оралмандар залдан шығып кетті

Жұма, 26 Ақпан , 2016 13:32

Ақпанның 24-і күні Ақтау қаласындағы Абай атындағы мәдениет сарайында өткен Маңғыстау облысы әкімі Алик Айдарбаевтың жылдық есебін тыңдауға келгендердің арасында Ираннан келген оралмандар да болды. Олар өздеріне қатысты сауалға әкімнің орынбасары орысша жауап бергенде залдан шығып кетті.

photo_85652

Бұл туралы Азаттық сайты хабарлайды.

“Біз оралмандарға жауабымызды берген едік. 2013-2014 жылдары заңда өзгеріс енгізілді, азаматтық алу үшін заң күшейтілді – деді Шолпан Ильмухамбетова. Осыдан кейін ол жауабын орыс тілінде жалғастырды: – Бұл адамдар кезінде азаматтық алу туралы екіойлы болған, «алу керек пе жоқ па» деп. Сондықтан оларға да қойылатын сұрақ үлкен, Алик Серікұлы, – деді облыс әкімінің орынбасары Шолпан Ильмухамбетова.

Бұл оралмандардың наразылығын тудырды. «Ештеңе ұқпадық» деген олар әкімнің есебі өтіп жатқан залдан шығып кетті.

Әкімнің есебіне арнайы келіп тұрып шығып кеткен Носратбибі Қазақ пен Баһар Қазақ жиында өздеріне қатысты жауапқа қанағаттанбаған.

“Облыс әкіміне кіре алмаймыз, оның жолын да білмейміз. Содан соң әкім елмен кездеседі деген соң арнайы келгенбіз. Бірақ жауап берген әкім орынбасары бізді «өздері кінәлі» деп орысша бірдеңелер айтты. Оны ұқпаған соң еріксіз шығып кеттік, – дейді Носратбибі Қазақ.

Ол биыл қаңтар айында көші-қон полициясына барғанымен, оларға биыл да азаматтықтың берілмейтіні туралы айтқан.

“Бізге 2011 жылы келгендерге азаматтық берілмейді деді көші-қон полициясы”, – дейді Носратбибі Қазақ. Алайда Маңғыстау облыстық көші-қон полициясы басқармасы бастығы Гүлшара Бастаубаеваның айтуынша, Ираннан келгендерге азаматтық беруде кедергі жоқ. Олар оралман куәлігін алып келсін. Үш айдан соң азаматтық алады, дейді ол.

Гүлшара Бастаубаеваның сөзінше, Ираннан келген оралмандардың бір жылға берілетін куәлігінің мерзімі өтіп кеткен. Енді олар қалалық жұмыспен қамту және әлеуметтік бағдарламалар бөліміне барып осы куәлігін жаңартып алуға болады.

Маңғыстауға Иран, Сауд Арабиясы, Түркіменстан, Өзбекстаннан қоныс аударған қазақтар Ақтау қаласындағы оралмандарға арналған орталықта тұрып жатыр. 2010 жылы қолданысқа берілген бұл оралмандарды бейімдеу орталығы 200 отбасына арналған. Онда оралмандардан бөлек балалар үйі түлектері де тұрады.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
22.07.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар