Маңғыстау облысында тұрғындар әкімшіліктен күдер үзіп, жолды өздері жасауға кірісті

Мұнайлы ауданына қарасты Арай ауылының тұрғындары Мұнайлы аудандық әкімшілігіне талай рет жолды жасап беруін сұрап өтініш жасаған. Алайда ол өтініштеріне құлақ асар ешкім болмаған,- деп хабарлайды Stan.kz Lada.kz-ке сілтеме жасап.

Жолда жаяу не көлікпен жүрудің өзі мүмкін болмай кеткен соң ауыл тұрғындары құм, тас сияқты құрылыс материалдарын сатып алып өздері жол жасауға кірісіп кетті.
Олар кешке жұмыстан келе сала, киімдерінауыстырып, құрал-саймандарын асынып, сағат кешкі тоғыздан түн жарымына дейін жұмыс істейді. Бұлар өздері үін ғана емес, балалары үшін де осындай қадамға барып отыр.

Әкімшіліктен жолды жасап беруін өтініп жүргенімізге он жылдай болып қалды. Жаңбыр не қар жауған күні бұл жолмен жүру тіпті мүмкін болмай қалады. Балаларымыз балшыққа шыланып, көшеден көшеге өте алмай қалады. Енді әкімшілік тараптан үміт болмаған соң, балаларымыз үшін өзімз жасауға кірісіп кеттік,- дейді ауыл тұрғындары.