Жануарлардың шұңқырға түскені бейнеленген видео 15 қыркүйекте әлеуметтік желіде пайда болды. Ақбөкендер табыны қазылған орға түсіп қалған. 15 ақбөкен “қақпанға” түсіп, тіпті арасында жараланғандары бар болып шықты.
Үркіп қалған ақбөкендерді тұзақтан шығаруға аймақтың тұрғындары көмектесті. Жол техникасының көмегімен олар жерді тегістеп, жануарларды шығарған.
Ақбөкендер Халықаралық Қызыл кітапқа жойылып бара жатқан түрлер ретінде енгізілген. Қазақстанда ақбөкендер мемлекеттік қорғауда.