Мадридтік «Реал» 11-рет Чемпиондар лигасының жеңімпазы атанды
Испандық футбол клубы «Реал» Чемпиондар лигасының финалында пенальтиден испандық «Атлетиконы» жеңіп, 11-інші рет жеңімпаз атанды.
Кездесу Миланда, 80 мың адамға арналған «Сан-Сиро» стадионында өтті.
Матчтың негізгі және қосымша уақыты тең аяқталды – 1:1.
Гол салғандар – «Реал» қорғаушысы Серхио Рамос (15-інші минут). «Атлетико» жартылай қорғаушысы Янник Феррейры-Каррасконың (79) дәл соққысымен жауап берді. 48-інші минутта «Атлетиконың» жартылай қорғаушысы Антуан Гризман өз мүмкіндігін пайдалана алмады. Ол тепкен доп қақпаның маңдайшасына тиді.
Матч соңындағы пенальтиде «Реал» ойыншыларының соққылары қарсыластарына қарағанда дәлірек болды. Жалпы есеп – 5:3.
“Реал” Чемпиондар лигасындағы жеңістер саны бойынша рекортшы атанып отыр. Мадридтік команда ең айтулы еуропалық клубтық турнирінің он бірінші рет жеңімпазы атанды.
Бұл Еуропадағы осы турнирді қатарынан бес рет жеңген ( 1956 жылдан 1960 жылдар кезеңі аралығында) жалғыз клуб.