Соңғы жаңалықтар
Соңғы жаңалықтар

Лондон мэрі болып тұңғыш рет мұсылман Садық Хан сайланды

Лондон мэрі болып тағайындалған лейборист Садық Хан тарихқа Ұлыбритания астанасын басқарған алғашқы мұсылман реінде кірмек.

20160507090151

Сурет inform.kz

Бұл туралы ҚазАқпарат хабарлайды.

Дауыс беру нәтижесінде Хан 44 пайыз жинаса, оның қарсыластары Зак Голдсмит 35 пайыз ғана жинай алған. Осылайша мэр орынтағында отырған консерватор Борис Джонсон парламент депутаты болып өз орнын Ханға босатты. Бұрынғы мэрдың аты сондай-ақ, премьер-министр Дэвид Кэмеронның орнына үміткер ретінде де аталуда.

Тегі пәкістандық 40 жастағы британиялық Хан қарапайым жұмысшы отбасынан шыққан. Әкесі 25 жыл автобус жүргізушісі болып қызмет еткен. Мамандығы – заңгер. Ол 2008-2009 жылдары жергілікті өзін-өзі басқару мәселелері негізіндегі министр, 2009-2010 жылдары транспорт министрі қызметтерін атқарды.

Талқылау