Күллі әлемді тәнті еткен көшбасшы Шейха Мозаның өмірі (фото)
Кез-келген мақтауға тұрарлық әдемі әйелдер баршылық. Тізбелейтін болсақ жер бетінде ақыл-ойы мен ерік-жігерін, сұлулығы мен іскерлігін ұштастырған ханымдар жетерлік. Солардың бірі Катардың бұрынғы басшысының әйелі Шейха Моза болып саналады.
Бұл туралы adme.ru сайты хабарлайды.
Жасы 56-ға келген ханым аңызға айналып үлгерген. Оның есімін еңкейген баладан еңбектеген кәріге дейін біледі. Оны көпшілік Катардың беткеұстар көшбасшысы деп санайды. Шейха Мозаның ұлы сондай-ақ, Катар тағының да мұрагері болып есептеледі. Ол қазір әлемдегі ең жас монарх ретінде елді басқарып отыр.
Шейха Мозаның арқасында ел өркендеу жолына түсіп, батыс әлемімен қарым-қатынас орнатылды. Ол тіпті өзі Инстаграмдағы парақшасын жүргізіп, түрлі суреттер жариялап отырады. Ал әлемнің сұлулары оның теңдессіз стилімен бәсекелесе алмайтындай.
Шейха Моза Катар әмірінің үш әйелінің бірі екеніне қарамастан, бірнеше жылдардар бері мемлекеттің бірінші ханымы болып саналады және араб әлеміндегі ең танымал әйелдердің көш басында. Оны тіпті әйгілі Forbes журналы да жариялап мойындаған. Шейха Моза сондай-ақ, ЮНЕСКО ұйымының арнайы елшісі ретінде қызмет етіп, орта және жоғарғы білімнің дамуына көмектеседі.
Сұңғыла білімді әрі сұлу ханым Катар университетінде социология мамандығы бойынша білім алып, америкалық университеттердің бірінде іс-тәжірибеден өтеді. Бүгінде ол елдің ішкі және сыртқы саясатындағы маңызды тұлға.
Арабтың өзге де мықты әйелдерінен айырмашылығы Шейха Моза күйеуімен бірге ресми сапарлар барысында көп елге саяхаттайды. Жоғарғы кеңесте вице-президент болып та қызмет атқарған ол Катардың ғылым және технология саласына инвестици бөлінуіне көп ықпал етті.
Ол білім мен ғылымның дамуы жолында жұмыстар істеп келеді. Оның Араб демократиялық қоры азаматтық қоғам мен тәуелсіз БАҚ-тың дамуына жол ашуда. Шейха Мозаның тікелей араласуымен ел астанасында жетекші америкалық профессорлар дәріс беретін қалашығы бар университет ашылды.
Оның билікке жақындауымен Катарда халықаралық масштабтағы шаралар да жиі өткізіле бастады. Оның бір дәлелі – 2022 жылы Катарда өтетін футболдан әлем чемпионаты.
Шейха Моза балалар мәселесіне, балалардың білім алу жағдайына жиі назар аударады. Жоғарғы кеңестің отбасылық мәселелері бойынша жетекшісі ретінде де көп шаруалар атқаруда. Оның идеясымен 7-12 жас аралығындағы балаларға арналған Al Jazeera Children’s Channel балалар телеарнасы да ашылған.
Оның атағы ел ішінен тыс сыртқа да жайылған. Ол жас пен уақытқа, жеті баласының анасы болғанына қарамастан өзінің сұлулығымен әлем жұртшылығын таңқалдырды. Оның тамаша талғамымен, жекелеген көшбасшылық қасиетімен көпке үлгілі болатын бірегей ханымдардың қатарында.
