Қызының туған күніне 3 күн қалғанда қайтыс болған анасы жантебірентерлік жазба қалдырған

Англияның Вустершир қаласының тұрғыны өмірінің соңғы күндерін сүріп жатқанын біліп, желіде жантебірентерлік жазба қалдырған. Сара Меддингс 12 жасар қызының туған күніне үш күн қалғанда қайтыс болған. Алайда ол қызы екуінің суреттерін жариялап, маңызды сөздерін жазып үлгеріпті.

Бұл туралы The Sun басылымына сілтеме жасап Stan.kz хабарлайды.

Сара желіде жариялаған суретінде қызы және 15 жастағы ұлымен құшақтасып тұр.

«Бұл сурет таяуда түсірілген. Мен сол сәтті қайтару үшін барымды берер ем. Өмір әділетсіз. Бұл шынымен де солай. Ешқашан ештеңені міндетті нәрсе сияқты қабылдамаңыз. Лайықты адамдарды жақсы көріңіз. Қарапайым заттардың әдемілігін бағалаңыз. Әлденені өзгерте алмайтыныңыз үшін қам жемеңіз. Мейірімді болыңыз. Ерекше жағдайды күтпеңіз. Өмірден ләззат алыңыз», – деп жазған Сара.

2015 жылы Сараның сүт бездерінің қатерлі ісігі анықталған. Артынша оған лампэктомия жасалыпты. Сәуле және химиотерапияның бірнеше курсын алған әйел дертті жеңген. Алайда бұл уақытша болып шықты. Арада 7 жыл өткеннен кейін жергілікті дәрігерлер Сараға қатерлі ісіктің лимфалық түйіндерге жайылып кеткенін айтқан.

Сара дертпен күресіп жүрген кезде желідегі парақшасында отбасы мен достарына арнап жантебірентерлік жазбалар жазып жүрген. Ол қайтыс болғаннан кейін көпшілік ендігі оның жазбаларын оқи алмайтынына сене алмады. Өз кезегінде олар әйелдің отбасының қайғысына ортақтасып, көңіл айтып жатыр.

«Бәріміз шок болдық. Ол дертпен барын салып күресіп, өзгелерге ынта-жігер берген еді. Біз оны сағынатын боламыз. Әсіресе екі баласы сағынады», – дейді Сараның анасы.