Қызымды қайтарыңдар: Оралда екі апта бұрын жоғалған қыздың анасы жанайқайын жеткізді
19 жастағы Гүлдана Тұржанованың жоғалып кеткеніне 15 күн өтті. Содан бері ешқандай ақпарат жоқ, деп жазады Мой город.
“Барл киімі үйде еді. Өзімен телефонын да, ақша да, құжатын да алмаған. Қара қыстық күрте мен қара шалбар, қара бәтіңке киген. Денсаулығы жақсы. Жанжалдасқан емеспі. Дауыс көтеріп ұрысқан жоқпыз. Педагогикалық колледжде оқыды. Ол менің жалғыз қызым. Жазда диплом алуы керек. Өзінің қайда кеткенін ылғи ескертіп жүретін. Тұрмысқа шығу туралы ойы болған жоқ. Оның қайда екенін болжай да алмаймын”, – дейді анасы Альбина Төлеуова.
Жоғалып кеткен соң бойжеткеннің желідегі парақшасының бәрі өшірілген. Анасы қызын көрген-білген жандардан көмек сұрайды.
“Гүлдананы күштеп ұстап отырған болса, қызымды қайтарсын. Полициядан арызымды алуға дайынмын. Қызымды тек аман-сау күйінде жіберіңіздер. Ешқандай басқа кедергі болмайды” , – деді анасы.
Ақыздың ата-анасы Гүлдана жайлы ақпарат білгендерден полиция немесе 87775691088 телефон нөміріне анасына хабарласуын сұрайды.
Stan.kz сайтын Telegram арқылы оқыңыз. Арнамызға жазылыңыз.