Қызылордалық дәрігерлер науқасқа немқұрайлы қарап, тиіс емес орындарға жатқыза береді

Жұма, 17 Маусым , 2016 18:24

Қызылордалық ақ халатты абзал жандар ауруханадағы орын жетіспеушілігімен осылайша күресуді ойластырған көрінеді. Бұл туралы Stan.kz сайтының редакциясына Шолпан Нұрылдаева есімді қала тұрғыны хабарлады.

7

2014 жылдан бері онкологиялық ауруға шалдыққан жан дәрігерлердің өзін қалай емдеп жатқаны туралы айтып берді.

5

Аяқ астынан қатерлі дертке шалдыққан Шолпан Нұрылдаева моральдық тұрғыдан қатты қажығанын мойындайды. Бірнеше жылдан бері Қызылорда облыстық онкологиялық орталықтың табанын тоздырған ол қажетті емімді ала алмай жүрмін дейді. Бұған жергілікті дәрігерлердің салғырттығы себеп екенін айтады. Бастапқыда 45 жастағы кісіге алматылық дәрігерлер «Жатыр мойнының және линфо ағымдарындағы онкологиялық ауру» деген диагноз қойған. Осыған мән бермеген қызылордалық мамандар науқасты тек жатыр мойнының рагінен емдеген.

1

Екінші диагнозға мүлдем назар аудармаған екен. «Қашан келсек те орын жоқ. Күт-күт деумен келеді. Қазіргі күні сол бүйрегім мүлдем жұмыс істеп тұрған жоқ. Кіші дәретке шыға алмай қалдым. Ота жасалып, түтікше салынды. Операцияның өзі уақытынан кеш жасалды. О баста біздің дәрігерлер дұрыс диагноз қойғанда, менің жағдайым дәл мұндай болмас еді», – деп күйінеді Шолпан.

8

Қызылордада ем қабылдап жүрген Шолпан Нұрылдиева бірнеше мәрте Астанаға да барып, сол жақтағы мамандардың қарауында болған. «Астанаға барғанымызда Қызылордалық дәрігерлер жазып берген жолдама түкке де жараған жоқ. Осы құжатпен тегін ем аласыңдар деп сендірген еді. Бірақ Елордаға барғанымызда емді ақылы түрде алдық. Қызылордалық дәрігерлер тым болмаса, жолдамада кеткен қатені жөндеп, қайтадан факс арқылы салып жіберуге жарамады. Бірнеше рет арыздандым. Облыстық денсаулық басқармасының басшысының қабылдауында да болдым. Өзгерген ештеңе жоқ», – дейді Шолапнның қызы Ботагөз Жүсіп.

3

Бүгінде Шолпан Нұрылдаева онкологиялық орталықта емін жалғастыруда. Үйінен қатынап, химия қабылдап жүр. «Күнде келгенімде өзімнің палатама келіп жатып, емімді қабылдайтынмын. Бүгін келсем, дәрігерлер менің орнымды басқа біреуге беріп жіберіпті. Маған ординаторлық бөлмеге жата салыңызшы немесе аға медбикенің кабинетіне төсек салып берейік деп қарап тұр. Бұл не сұмдық. Сонда мен көрінген жерге жата саламын ба? Мен ерігіп жүрген жоқпын ғой», – деп ашынады Шолпан Нұрылдаева.

9

Осы жағдайға байланысты облыстық онкологиялық орталық бас дәрігерінің орынбасарынан сұхбат алғымыз келген болатын. Бірақ Дариға Өтегенова түсініктеме беруден бас тартты. Кейіннен, Қызылорда облыстық денсаулық сақтау басқармасының баспасөз хатшысына хабарластық. Ол кісі: «Түсіңсеңіздерші, бүгін мереке. Жылына бір рет келетін мерекеде адамның көңіл-күйін бұзбаңыздаршы. Жауапты кісі де шашын ретке келтіріп, бетін әрлеуі керек қой. Сіздерге сұхбат бергеннен кейін, көңіл күйі болмай қалады», – деген жауап қатты. Айтқандай, бүгін медицина қызметкерлерінің күні.

Жіберіп алмаңыз:

Қызылордалық хирургтар адам ішінен шыққан заттарды көрсетіп таң қалдырды

Қызылорда дәрігелері  баланы 5 жыл бойы басқа диагнозбен емдеген

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

16
Комментариев
  • Анонимно says:

    Онкологияда жаткан былык коп. Алматынын онкологиясына апарганда тан калдым, наукастарга басқаша карайд, ал бизде ше сандалып журеди адамдар как папало. Осындайда киналы адамдарды курту керек кой.

  • Анонимно says:

    Бул кисинин осы истегендерине карсы емеспин керисинше риза болып отырм.Бир жаны ушин бармаган жери калмапты.Жан жакка сандалдырып, кез келген жерге ем кабылдатса ашынбаганда нестейди енди? Басына туспеген ештеме тусинбей далбасалай береди. Даригерлердин салгырттыгынан бизде осылай жапа шеккеннин биримин.Олар кунделикти ауыр халдеги наукастарды корип ,ота жасап коздери уйренип кеткен.Сондыктан адам жанын катты тусине бермейди.Кезинде менинде даригерлерге ашынганым соншалыкты осылай жария кылгым келген кези болды. Бул жерде кызынын кайда жумыс истейтинин билмеймин расында журналист болган болса ,осындай диагнозбен аурып журген анасын кызметине пайдаланды деп ойлаудын ози акымактык…Бул кызынын анасынын омири ушин шырылдап,ар есикти тоздырып баска амалы болмагандыктан жасап отырганы деп ойлаймын.Барлык даригерлерге бирдей тукирик шашпайын ,жумысына адал тиянакты ак халатты абзал жандар да бар.Бул кисинин осылай жасауына себеби болып тур гой.Басына тускен тусинистикпен карайд деп ойлаймын.Ештемени тусинбей бос созбен далбасалай бергеннин кереги жок.Даригерлерде оздеринин былыктарынын ашылып калгандарына ашынып оздерин актап,неше турли сылтау жазатындарына куманим жок.

  • Анонимно says:

    не нормальные, ауырмай ешкім не поймет

  • Анонимно says:

    Онкологиялық орталықты онколог емес мамандар басқарып отырғанын, Алматыда отырып біз біліп отырмыз ғой, Қызылордадағы! Мамандар болмаса, жағдай осындай болады!

  • Анонимно says:

    Мен осы бөлімшеде ем алып жатқан Әбенова Ж.Қ. деген азаматшаның келінімін, күтуші есебінде жатырмын. Біздің осында жүргенімізге аз уақыт болған жоқ. Ондай өрескел қылық дәрігерлер тарапынан көрген емеспін, керісінше өте тамаша, бар жағдай жасалған. Дәрігерлен медбике, тазалықшылар бәрі жоғары дәрежеде қызмет көрсетеді. Ал мынау оқиғаға тоқталсақ, бұл кісілерге мүлдем келіспеймін. Бұл жерде өте ауыр науқастар жатады. Солардың мазасын алып, айқайлап бөлімшені басына көтерді. Бұл мәдениетсіздік деп ойлаймын. Оған бар жағдай жасалған. Жұрттар орын таппай жатыр. Ал ол кісі бір озі бір палатаны иеленіп жатыр. Естуімше бұл азаматшаның қызы журналист екен. Ол қызметін жеке басына пайдалану деп есептеймін.

    • Анонимно says:

      айтқанын ешкім тыңдамаса, тыңдата алмаса, қолында бар мүмкіндікті пайдалану заңдылық! Бұл сонда қызғаныш па?

    • Анонимно says:

      Бір палатаны иеленіп жатырса, неге шағымданады журналистке?! Еріккен науқас деп тұрсыз ғой, сонда Сіз? Сіздің туысыңыздың палатасын алып қойып сандалдырып қойса, диагнозын уақытында анықтап бере алмаса, оны облыстық денсаулық сақтау басқармасының басшысының өзі бұл жағдайдан хабардар болса… жалпы айтқанда Сіз біле бермейтін мәселелер жағадан алғанда туған қызы, анасынан қашан айрылып қаламын деп уайымдап жүрген адам қарап қалуы керек пе?

      • Анонимно says:

        журналист ол кызы сол наукасытын, журналист казир тек озинин камын истейд кушти керемет болса танымайтын биреудин камера аркылы проблемасын шешсин да

    • Анонимно says:

      Ешнарседен хабарыныз болмаса булай пикир калдырудын кажети жок. Ол кисиде мундай диагноздагы аурумен ериккеннен булай истеп жатпаган шыгар. Демек бир себеби барда..

      • Анонимно says:

        ол онкологиямен ауырганына онколог киналы емес. ол дневной стационар емес агайын ол халы мушким адамдар жататын жер, ол журналист кызметтик бабын пайдаланып ари ем ари материал истеп жур, еки сагат укол алатын жерди иеленем дид ол олай болмвйл йд наукас жататын жер, баримизде камерамызды алып билгенимизди истейк , сол журналист кыз кудайдвн табар

        • Анонимно says:

          Кудайдан тук хабары жок сауатсыз Аллахты аузына алмая кой. Ол кыз журналистикада жумыс истемейди ауыз меники деп сойлей берудин кажети жок беталды, Аллах барин коруши осы карсы пикирлерди жазып отырган даригерлердин ози деп ойлаймын бул менин пикирим гана, оздерин калай актап аларларын билмей журген сиякты

  • Анонимно says:

    Олай ем кабылдаган ем болмайды! одан да оз орнынан айырылып калмау ушин,тыныш гана жатып емин алу керек еды! Кудай корип тургой! даригерлер Кудай емес,АДАМ!!!!!!!!!!

    • Анонимно says:

      Тыныш емин алып жаткан адамды орнынан айырган емеспе? Содан кейін осы жагдай орын алган.

  • Анонимно says:

    осы адам телевидениеде танысы болган пайдаланып пале издеген адам, халыкка олгенде жакпайсын

    • Anonymous says:

      Бул менин анам! Менин есимим Ботагоз Жусип! Анамнын жаны киналганда мени тындаган ешким болмады. Журналист екеним рас, казир баска саладамын. Шырылдаган даусым ешкимге керек болмады уакытында…даригерге де, баскага да. Казир анам кайтыс болды… Жогарыда пикир жазгандар анасы киналганда, анасы ауырганда, мумкин менин жайымды тусинер… Бирак ешкимге ол жагдайды тилемеймин

  • Анонимно says:

    бариде мумкин Аллах жар болсын

Leave a Reply

Your email address will not be published.

Орташа айырбас бағамы
27.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар