Қызылордалық 70 жастағы ақсақал 500 шақырым жолды жүгіріп өтті
Семей полигонының ардагері, Арал қаласының 70 жастағы тұрғыны Серік Өтебалиев туған қаласынан Қызылордаға дейін 500 шақырым жүгіріп өтті. Қария өз марафонын ел тәуелсіздігінің 25 жылдығы мен Семей ядролық полигонының жабылуына 25 жыл толуына арнаған.
Сурет: www.inform.kz
Бұл туралы BNews.kz хабарлайды.
Марафоншыны достары мен замандастары, жастар мен жұртшылық өкілдері мәре сызығында күтіп алды.«Біздің Сәкені мақтан тұтамыз. Ол өскелең ұрпаққа үлгі-өнеге көрсетіп жүрген жандардың бірі», – дейді қалалық полигон ардагерлері қоғамының жетекшісі Бархан Ақылбаев.
Сыр елінің жастары қарт марафоншының бұл әрекетін өте жоғары бағалады. Мәншүк Мәметова атындағы Қызылорда гуманитарлық колледжі студенттік кәсіподақ ұйымы мен басшылық атынан ақсақалға арнайы жүлде табыс етілді.
«Нұр Отан» партиясы Қызылорда облыстық филиалы төрағасының бірінші орынбасары Ибадолла Құттықожаев қарияны партия атынан алғыс хатпен марапаттады.
Қызылорда облысының әскери комиссары, генерал-майор Әлімжан Ерниязов облыстық қорғаныс істері департаментінің атынан алғыс хат табыстады.
Жіберіп алмаңыз:
Жасөспірім сал ауруына шалдыққан інісін арқалап 178 шақырымды жүріп өтті (фото)